55. (bax: nifrət edilən şeylər)

Hər iqtidar öldürür, polis hər yerdə polisdir. Kasıbın əlindəki 1 loxma çörəkdən pay alar, yetimin qabındakı tikədən özünə pay çıxardar. Həyətinə bir kubik qoyarsan, gəlib başını kəsdirər, evindən, ərindən qaçıb şöbəyə sığınan qadını ailəsi, əri ilə barışdırıb evə göndərər. Bir gün pişiyə yemək verər, səhər pişiyi bəsləyən adamı küçə zibillədiyi üçün cərimələyər. Karantin qaydasını pozanı əlləri boynunda, alt paltarı ilə evdən çıxarar, oğlunda da özünə qarşı kin yaradar, daha sonra niyə polisə etiraz edirsən deyib dama atar. Sərhəddən patı keçirənə rüşvət alıb göz yumar, anasına təcavüz edən peysəri öldürəni içəri tıxar. Polis hər yerdə polisdir.

Əfsus ki, bir ölkədə ki, iki inəyin puluna polis olmaq mümkündür, təəccüblü deyil. Qorxuludur.